Apricot Capital: Trade & Invest նոր հարթակն արդեն հասանելի է

Apricot Capital լիցենզավորված ներդրումային ընկերությունը պաշտոնապես գործարկել է իր նոր՝ Apricot Capital: Trade & Invest առևտրային հարթակը: Այս նորարարական լուծումը, որը ներառում է ինչպես iOS և Android համակարգերի համար նախատեսված բջջային հավելված, այնպես էլ վեբ տարբերակ, ներդրումներ կատարելու գործընթացը դարձնում է առավել դյուրին, պարզ ու հարմարավետ: 

Հարթակն ունի ժամանակակից ինտերֆեյս և գործիքակազմ, որի շնորհիվ ներդրողները կարող են իրական ժամանակի ռեժիմով ներդրումներ կատարել ԱՄՆ շուկայում՝ սկսած յուրաքանչյուր արժեթղթի համար ընդամենը $0.015 միջնորդավճարից*:

Ե՛վ սկսնակ, և՛ պրոֆեսիոնալ ներդրողները հարթակում կգտնեն իրենց պահանջներին համապատասխանող անհրաժեշտ գործիքներն ու հնարավորությունները: 

Հարթակի առավելություններից են՝

• Իրական ժամանակի ռեժիմով տվյալներ,
• Պորտֆելի ինտուիտիվ կառավարում,
• Ճկուն գործիքակազմ,
• Անհատականացված դիտացանկեր։

Հավելվածը կարելի է ներբեռնել

• Apple Store-ից 
• Google Play-ից

«Մեր ընկերությունը միշտ ձգտում է լինել նորարարության առաջնագծում, և այս նոր հարթակի գործարկումը մեր հանձնառության տրամաբանական շարունակությունն է: Մենք առաջիններից էինք, որ ներդրեցինք հաշվի առցանց բացման հնարավորությունը, հանեցինք մինիմալ դեպոզիտի պահանջը, իսկ այժմ տրամադրում ենք էլ ավելի հագեցած թվային գործիքակազմ: Մենք հանդես ենք գալիս որպես հուսալի կամուրջ մեր հաճախորդների և ֆինանսական շուկաների միջև՝ ապահովելով բարձրակարգ սպասարկում և տեխնոլոգիական առաջատար լուծումներ»,- նշել է Apricot Capital-ի գործադիր տնօրեն Վաչիկ Գևորգյանը:

Անվտանգության հիշեցում.

Հիշեցնում ենք, որ ոչ մի դեպքում չի՛ կարելի երրորդ անձանց հայտնել համակարգի մուտքային տվյալները: Հարցերի դեպքում Apricot Capital-ի հետ կարելի է կապ հաստատել ընկերության կայքում նշված հաղորդակցության պաշտոնական ուղիներով։

*ՀՀ ռեզիդենտների դեպքում: Սակագների վերաբերյալ առավել մանրամասն տեղեկատվության համար կարելի է այցելել Apricot Capital-ի կայքի «Սակագներ» բաժինը:

Apricot Capital -ը վերահսկվում է ՀՀ Կենտրոնական բանկի կողմից:

Ներդրումները ենթակա են շուկայական տատանումների և կրում են ներհատուկ ռիսկեր։