ԱՄՆ գործազրկության նպաստի դիմումների թիվը գրանցել է այս տարվա փետրվար ամսից ի վեր նվազագույն ցուցանիշը

Նախորդ շաբաթվա ընթացքում գործազրկության նպաստի համար դիմող ամերիկացիների թիվը կտրուկ նվազել է՝ գրանցելով այս տարվա փետրվար ամսից ի վեր նվազագույն ցուցանիշը։

ԱՄՆ աշխատանքի դեպարտամենտի զեկույցի համաձայն գործազրկության նպաստի առաջնային դիմումների թիվը սեպտեմբերի 2-ին ավարտվող շաբաթվա ընթացքում կտրուկ նվազել է մինչև 216,000։

Reuters գործակալության կողմից տնտեսագետների շրջանում կատարված հարցման արդյունքներով կանխատեսվում էր 234,000 նոր դիմում։

Շարունակական դիմումների թիվը կազմել է 1.67 միլիոն՝ նախորդ շաբաթվա համեմատ նվազելով 50,000-ով։