ԱՄՆ Դաշնային պահուստային համակարգն անփոփոխ է թողել վերաֆինանսավորման տոկոսադրույքը

ԱՄՆ Դաշնային պահուստային համակարգն (ԴՊՀ) անփոփոխ է թողել վերաֆինանսավորման տոկոսադրույքը՝ 5.25%-5.5%, ինչը վերջին 20 տարիների առավելագույն տոկոսադրույքն է։

Կարգավորողը տեղեկացրել է նաև մինչև տարեվերջ տոկոսադրույքների ևս 1 բարձրացման հավանականության մասին՝ 25 բազիսային կետով, ինչի նպատակը գնաճը կենտրոնական բանկի կողմից սահմանված 2% թիրախային ցուցանիշին մոտեցնելն է։

ԴՊՀ-ի կանխատեսումների և ծրագրվող քաղաքականության մասին հայտարարության հրապարակումից հետո պարտատոմսերի եկամտաբերությունն աճել է, մասնավորապես, 2 տարի ժամկետայնություն ունեցող գանձապետական ​​պարտատոմսի եկամտաբերությունը հասել է վերջին 17 տարիների առավելագույն մակարդակին՝ մոտ 5,2%: ԱՄՆ-ի հիմնական ֆոնդային ինդեքսների արժեքները նվազել են։