ԱՄՆ աշխատանքի դեպարտամենտի զեկույցի համաձայն օգոստոսին երկրում աշխատատեղերի թիվն ավելացել է 187,000-ով, թեպետ համաձայն Dow Jones-ի կողմից տնտեսագետներին ուղղված հարցումների արդյունքների՝ 170,000 նոր աշխատատեղեր էր կանխատեսվում: Այնուամենայնիվ, գործազրկության մակարդակը ևս բարձրացել է մինչև 3.8%՝ հուլիսին գրանցված 3.5%-ից հետո, և գրանցել 2022թ․փետրվարից ի վեր ամենաբարձր ցուցանիշը։
Զեկույցի համաձայն աշխատավարձերի աճը օգոստոսին չափավորվել է՝ ենթադրելով, որ աշխատաշուկայի պայմանները թուլանում են, ինչը թույլ է տալիս ենթադրել, որ Դաշնային պահուստային համակարգը չի բարձրացնի վերաֆինանսավորման տոկոսադրույքն այս ամիս:
Deutsche Bank-ի վերլուծաբանների կանխատեսմամբ՝ S&P 500 ինդեքսը 2024թ.-ի արդյունքներով կունենա այս տարվա համեմատ 12% աճ՝ հասնելով ռեկորդային 5,100 միավորի։
Standard and Poor's 500-ը, կամ պարզապես S&P 500-ը, ֆոնդային շուկայի ինդեքս է, որում ներառված են ԱՄՆ ֆոնդային բորսաներում ցուցակված 500 խոշորագույն ընկերությունները։
Չորեքշաբթի օրը Ուոլ Սթրիթի հիմնական ինդեքսները կտրուկ անկում են գրանցել երկրի կենտրոնական բանկի պաշտոնյաների կողմից տոկոսադրույքների էլ ավելի բարձրացման անհրաժեշտության մասին բարձրաձայնելուց հետո։
Վերջին թարմացումը՝ 25.09.2023 15:23
