Ռուսաստանի Կենտրոնական բանկը բարձրացրել է վերաֆինանսավորման տոկոսադրույքը 350 բազիսային կետով՝ սահմանելով 12%։
ՌԴ ԿԲ խորհրդն արտահերթ նիստ է հրավիրել ռուբլու շարունակական անկման պատճառով․ երկուշաբթի դոլարի փոխարժեքը ռուբլու նկատմամբ գերազանցել է 100 ռուբլին՝ կապված Ռուսաստանի առևտրային հաշվեկշռի վրա արևմտյան պատժամիջոցների ազդեցության և ռազմական ծախսերի աճի հետ:
Տոկոսադրույքի բարձրացման որոշումը կայացնելուց հետո դոլարի փոխարժեքը մոտեցել է 98․16 ռուբլու, բայց դեռևս մոտ է երկուշաբթի օրը գրանցված 102 ռուբլի ցուցանիշին։ Այդպիսի բարձր ցուցանիշ չէր գրանցվել Ռուսաստանի և Ուկրաինայի միջև հակամարտության առաջին մի քանի շաբաթներից հետո։
ԱՄՆ 30 տարի ժամկետայնությամբ պետական պարտատոմսերի տոկոսադրույքը հասել է վերջին 21 տարիների առավելագույն ցուցանիշին, ինչի արդյունքում հիփոթեքային վարկերի տոկոսադրույքները ևս կտրուկ բարձրացել են՝ էլ ավելի աղավաղելով ԱՄՆ բնակարանային շուկայի հեռանկարը։
Deutsche Bank-ի վերլուծաբանների կանխատեսմամբ՝ S&P 500 ինդեքսը 2024թ.-ի արդյունքներով կունենա այս տարվա համեմատ 12% աճ՝ հասնելով ռեկորդային 5,100 միավորի։
ԱՄՆ-ում սեպտեմբերին գրանցվել է 3.7% գնաճ, այնինչ կանխատեսվում էր գների 3.6% աճ։
Վերջին թարմացումը՝ 25.09.2023 13:29
