Միջոցառում | «Փողի հոգեբանությունը» համաշխարհային բեսթսելլերի հայերեն թարգմանության շնորհանդես

Apricot Capital-ն իր կորպորատիվ սոցիալական պատասխանատվության շրջանակում նպաստում է Հայաստանում պատասխանատու ներդրումների և անձնական ֆինանսների կառավարման մշակույթի ձևավորմանը։

Այս ջանքերի շրջանակում Apricot Capital-ի նախաձեռնությամբ և աջակցությամբ՝ Newmag հրատարակչության հետ համագործակցությամբ մեր մայրենիով լույս կտեսնի Մորգան Հաուզելի համաշխարհային բեսթսելլեր «Փողի հոգեբանությունը»։

«Փողի հոգեբանությունը» պարզապես տեսական ֆինանսական գիրք չէ։ Այն մատչելի և պարզ լեզվով, իրական կյանքից վերցված պատմությունների միջոցով բացատրում է ֆինանսների և փողի հետ կապված կարևոր հասկացություններ՝ ընթերցողին տալով գործնական դասեր, որոնք կարող են օգնել կառուցել ավելի ապահով ֆինանսական ապագա։ Այն կհարստացնի ներդրումների ու անձնական ֆինանսերի թեմայով հայալեզու գրականությունը։

Գիրքը թարգմանվել է տասնյակ լեզուներով։ Աշխարհում վաճառվել է 8 միլիոն օրինակ։

Գրքի հայերեն թարգմանության շնորհանդեսը տեղի կունենա մայիսի 28-ին 14:00-ին Բեսթ Վեսթերն Պլյուս Կոնգրես Հյուրանոցում։ Մուտքն ազատ է։

Միջոցառման մանրամասները

• Ամսաթիվը՝ 2025 թվականի մայիսի 28
• Ժամը՝ 14:00
• Վայրը՝ Բեսթ Վեսթերն Պլյուս Կոնգրես Հյուրանոց, Իտալիայի փող., 1 շենք
• Մուտքն ազատ է

Միջոցառման օրակարգը

• 14:00-14:30 Պանելային քննարկում
• 14:30-14:35 Տեսանյութ «Փողի հոգեբանությունը» գրքի մասին
• 14:35-14:50 Ինտերակտիվ զրույց անձնական ֆինանսների կառավարման թեմայով
• 14:50-15:20 Սուրճի ընդմիջում, ոչ ֆորմալ շփում

Պանելային քննարկման բանախոսներն են

• Անուշ Սեդրակյան – թարգմանիչ
• Արա Չալաբյան – Ներքին Աուդիտորների Ինստիտուտ-Հայաստանի նախագահ
• Արմենուհի Հովակիմյան – Եվրո-Ասիական Կապիտալի Շուկաների Միության (FEAS) գլխավոր քարտուղարի տեղակալ
• Վաչիկ Գևորգյան – Apricot Capital-ի Գործադիր տնօրեն