Կայացավ «Doing Digital – Բացահայտելով թվային ապագան» ֆորումը

Ապրիլի 5-ին Երեւանում անցկացվեց առաջին «Doing Digital – Բացահայտելով թվային ապագան» ֆորումը, որի հիմնադիրն ու կազմակերպիչը SPRING PR ընկերությունն է, ներդրումային գործընկերը՝ Apricot Capital-ը։

Միջոցառման նպատակն էր ներկայացնել թվային փոխակերպման վերջին միտումներն ու լավագույն փորձը, համաշխարհային տեխնոլոգիական եւ բիզնես հանրույթի շրջանում Հայաստանը դիրքավորել որպես թվային փոխակերպման նոր հարթակ՝ նպաստելով երկրի մրցունակության բարձրացմանը:

Ֆորումի շրջանակում ելույթների ու պանելային քննարկումների միջոցով բիզնեսի ու թվային տեխնոլոգիաների ոլորտում լավագույն փորձով, իրենց գիտելիքով եւ տեսլականով կիսվեցին ավելի քան 15 խոսնակ Սինգապուրի սոցիալական գիտությունների համալսարանից ու Forbes-ից, Visa, Apricot Capital, Revytech, Hexens, Beta Financial Technologies, ICDT Global ընկերություններից, ինչպես նաեւ ՀՀ կառավարությունից։

Apricot Capital-ի գործադիր տնօրեն Վաչիկ Գևորգյանը ֆորումի շրջանակներում կայացած պանելային քննարկման բանախոսներից էր։