![Էփրիքոթ Կապիտալը մասնակցում է World Investment Forum 2023-ին](https://sp-ao.shortpixel.ai/client/to_auto,q_lossless,ret_img/https://apricotcapital.am/wp-content/uploads/2023/10/062dde32-1ef1-42e0-98d1-44bc79a3809d-1.jpeg)
Էփրիքոթ Կապիտալը մասնակցում է World Investment Forum 2023-ին
Ֆորումի հիմնական թեման է ներկայիս գլոբալ ճգնաժամերի հետևանքով առաջացած հիմնական ներդրումային մարտահրավերները։
Apricot Capital-ի տնօրեն Վաչիկ Գեւորգյանը Banks.am-ի հետ զրուցել է ընկերության կողմից ներդրված Apricot Capital հավելվածի մասին:
Վաչիկ Գեւորգյանը նշել է, որ ընկերությունը հաճախորդներին հնարավորություն է տալիս անմիջապես բջջային հեռախոսի կամ համակարգչի միջոցով ներդրումներ իրականացնել միջազգային հեղինակավոր կորպորացիաների (այդ թվում՝ Apple, Microsoft, Google, Amazon եւ այլն) 3000-ից ավելի բաժնետոմսերում, իրական ժամանակում հետեւել դրանց բորսայական գնանշումներին եւ արդյունավետորեն կառավարել սեփական պորտֆելը։
Գեւորգյանի խոսքով՝ հավելվածի հիմնական առավելություններն են օգտագործողի համար մշակված մատչելի ինտերֆեյսը, օրվա ցանկացած պահի եւ ցանկացած վայրից ֆինանսական շուկաներում գործարքների իրականացման, ինչպես նաեւ հեղինակավոր միջազգային տեղեկատվական գործակալությունների (BLOOMBERG, CBOE) կողմից հրապարակվող բորսայական գնանշումներին եւ ֆինանսական բնույթի նորություններին ծանոթանալու հնարավորությունները։
Հավելվածը հասանելի է Android, IOS, Windows օպերացիոն համակարգերում։
«Մեր թիմը բաղկացած է ֆինանսական համակարգում մեծ գիտելիքներ եւ փորձ ունեցող որակավորված մասնագետներից։ Մեր անհատ եւ ինստիտուցիոնալ հաճախորդներին տրամադրում ենք ծառայությունների լայն շրջանակ ինչպես Հայաստանի, այնպես էլ արտասահմանյան կապիտալի շուկաներում»,- եզրափակել է Վաչիկ Գեւորգյանը:
Վերջին թարմացումը՝ 25.09.2023 14:21