Apricot Capital-ի հավելվածում գործարկվել է արտարժույթի առևտրի նոր հարթակը
Apricot Capital ներդրումային ընկերությունն իր բջջային հավելվածում գործարկել է արտարժույթի առևտրի հարթակ։
Հաճախորդներն այսուհետ հնարավորություն կունենան Apricot Capital-ի հավելվածի միջոցով շահավետ պայմաններով իրական ժամանակի ռեժիմում կատարել արտարժութային փոխարկումներ հիմնական արժութային զույգերով (ԱՄՆ դոլար, եվրո, բրիտանական ֆունտ, չինական յուան և այլն) միջազգային քրոս փոխարժեքներով։
Apricot Capital հարթակն ապահովում է մրցունակ փոխարժեքով արտարժութային գործառնությունների և միջազգային արժեթղթերի շուկաներում առևտրի իրականացման հասանելիություն և գործարքի արդյունքն անմիջապես հաշվին տեսնելու հնարավորություն։
Apricot Capital-ի արտարժույթի փոխարկման գործիքներից և մնացած այլ հարթակներից օգտվելու համար անհրաժեշտ է դառնալ Apricot Capital-ի հաճախորդ՝ մեկ անգամ անցնելով բոլոր պարտադիր ընթացակարգերը։ Վավերացումն անցնելուց հետո ՀՀ ռեզիդենտ ու ՀՀ ոչ ռեզիդենտ քաղաքացիների համար սահմանված նվազագույն գումարի չափով բացվում են բրոքերային հաշիվներ, որից հետո հաճախորդը բջջային հավելվածին հասանելիություն է ստանում։
Apricot Capital բջջային հավելվածը հասանելի է App Store-ում և Google Play-ում: Հաճախորդների համար այն հուսալի հարթակ է, որի միջոցով Apricot Capital-ն իր հաճախորդներին առաջարկում է բրոքերային ծառայությունների լայն շրջանակ։ Apricot Capital-ի առևտրային ենթակառուցվածքը եվրոպական և ամերիկյան առաջատար բրոքերների և ֆինանսական ընկերությունների հետ գործընկերային կապերի լայն ցանցի միջոցով ապահովում է ֆինանսական տարբեր գործիքներով գործարքների որակյալ իրականացում։
Apricot Capital-ի գործադիր տնօրեն Վաչիկ Գեւորգյանը Banks.am-ի հետ խոսել է ընկերության` Apricot Capital-ի բջջային հավելվածի, դրանով մարժային առեւտուր իրականացնելու հնարավորությունների եւ ներդրումային ոլորտի հեռանկարների մասին։
Դասընթացի մասնակիցները հնարավորություն էին ստացել Apricot Capital հավելվածում ունենալ Demo օգտահաշիվ եւ վիտուալ գումար՝ սեփական փորձով ներդրումներ կատարելու, արժեթղթեր ձեռք բերելու շուկայի նորություններին ծանոթանալու համար։