Apricot Capital-ի գործադիր տնօրենը ՀՊՏՀ-ում մասնակցեց «Հաջողակ կարիերայի բանաձևը» պանելային քննարկմանը

2025 թվականի մարտի 21-ին Հայաստանի պետական տնտեսագիտական համալսարանը (ՀՊՏՀ) կազմակերպեց «Հաջողակ կարիերայի բանաձևը» պանելային քննարկումը, որը համախմբեց ոլորտի առաջատար մասնագետներին՝ կարիերայի զարգացման և հաջողության ռազմավարությունների վերաբերյալ իրենց փորձով կիսվելու նպատակով։ Բանախոսների շարքում էր Apricot Capital-ի գործադիր տնօրեն Վաչիկ Գևորգյանը, ով մասնակցեց «Աշխատել պետական ոլորտում, թե՞ մասնավոր» թեմայով քննարկմանը։

Քննարկման ընթացքում անդրադարձ կատարվեց երկու ոլորտների առավելություններին ու մարտահրավերներին՝ օգնելով մասնակիցներին հասկանալ, թե որ միջավայրն է առավել համահունչ իրենց հմտություններին, ձգտումներին և մասնագիտական նպատակներին։ Բանախոսները ներկայացրեցին պետական և մասնավոր հատվածների կայունության, աճի հնարավորությունների և ոլորտային դինամիկայի վերաբերյալ իրենց տեսակետը՝ տրամադրելով օգտակար տեղեկատվություն աշխատաշուկա մուտք գործել պատրաստվող ուսանողներին համար։