Շարունակում ենք ուսումնասիրել ֆինանսական աշխարհը։ Հաճախ խոսում ենք ներդրումների միջոցով Ձեր հարստության աճի հնարավորության: Բայց ինչպե՞ս է իրականում տեղի ունենում այդ աճը: Այսօր մենք կանդրադառնանք ամենատարածված ձևերից մեկին՝ շահաբաժիններ (դիվիդենդներ)։
«Պտուղների» ստացում
Հիշու՞մ եք մեր նախորդ հրապարակումներում այգու անալոգիան: Եթե արժեթղթերը Ձեր տնկած սերմերն են, ապա շահաբաժինները դրանցից ստացված պտուղներն են: Շահաբաժինը ընկերության շահույթի մի մասն է, որը վճարվում է բաժնետերերին: Դրանք կապիտալ (գումար) տրամադրելու դիմաց Ձեր ներդրումներից ստացված եկամուտ են:
Ինչպե՞ս են աշխատում շահաբաժինները
Երբ ընկերությունը շահույթ է ստանում, այն ունի մի քանի տարբերակ՝ վերաներդնել եկամուտը բիզնեսում, պահել կանխիկ կամ դրա մի մասը բաշխել բաժնետերերին՝ շահաբաժինների տեսքով: Շահաբաժիններ վճարող ընկերությունները սովորաբար դա անում են պարբերաբար, օրինակ՝ եռամսյակային կամ տարեկան:
Շահաբաժինների տեսակները
Ինչո՞ւ են շահաբաժինները կարևոր
Շահաբաժիններ վճարող բաժնետոմսերի որոնում
Ոչ բոլոր ընկերություններն են վճարում շահաբաժիններ: Շահաբաժիններ վճարող ներդրումներ փնտրելիս ուշադրություն դարձրեք այն ընկերություններին, որոնք ունեն շահաբաժինների վճարման պատմություն: Apricot Capital հավելվածը, ֆինանսական նորությունների կայքերը, բրոքերային հարթակները և ընկերության կայքի ներդրողների համար էջերը հաճախ տրամադրում են շահաբաժինների պատմության և վճարման ժամանակացույցի մասին տեղեկատվություն:
Չնայած շահաբաժինները կարող են արժեքավոր բաղադրիչ լինել ներդրումային ռազմավարության մեջ, կարևոր է հիշել, որ դրանք երաշխավորված չեն: Ընկերությունները կարող են կրճատել կամ դադարեցնել շահաբաժինների վճարումները, եթե ֆինանսական դժվարությունների են հանդիպում:
Կարևոր է հիշել, որ ցանկացած ներդրում ենթակա է շուկայական տատանումների և կրում է ներհատուկ ռիսկեր: Նախքան ներդրումներ կատարելը, հաշվի առեք Ձեր ֆինանսական նպատակները և ֆինանսական ռիսկեր ստանձնելու Ձեր ունակությունը:
Էփրիքոթ Կապիտալը վերահսկվում է ՀՀ Կենտրոնական բանկի կողմից։
*Նյութում ներկայացված օրինակները կրում են միայն տեղեկատվական բնույթ: Դրանք չեն հանդիսանում ներդրումային խորհուրդ կամ որևէ կոնկրետ արժեթուղթ գնելու կամ վաճառելու առաջարկ: Տեքստում նշված նախկինում գրանցված կատարողականը չի երաշխավորում ապագայում նմանատիպ արդյունքներ:
Այս անգամ կուսումնասիրենք, թե ինչպես կարող եք եկամուտ ստանալ Ձեր ներդրումներից։ Կա երկու տարածված եղանակ՝ շահաբաժին (դիվիդենդ) վճարող բաժնետոմսեր և արժեկտրոն (կուպոն) վճարող պարտատոմսեր։
Պատկերացրեք, որ վարկ եք տալիս ընկերություններին կամ պետությանը։ Տալիս եք գումար որոշակի ժամկետով (մարման ժամկետ), և նրանք Ձեզ դրա դիմաց վճարում են տոկոսներ (կուպոն): Երբ մարման ժամկետը գալիս է, դուք հետ եք ստանում ձեր նախնական ներդրումը (հիմնական գումարը):
Apricot talks խելացի ներդրողի փոդքասթի #5 էպիզոդում քննարկում ենք ներդրումային կարևոր ռազմավարությունները, որոնք կօգնեն կողմնորոշվել շուկայի տատանումների ժամանակ։
Վերջին թարմացումը՝ 30.10.2024 12:03
