Հարց ու պատասխան Էփրիքոթի հետ | Որո՞նք են ներդրումների հետ կապված ծախսերը

Ներդրումները հզոր գործիք են Ձեր գումարները մեծացնելու համար, բայց կարևոր է հասկանալ, թե ինչ վճարների ու ծախսերի կարող եք հանդիպել ներդրումներ կատարելիս։

1. Միջնորդավճարներ

• Ի՞նչ է դա | Բրոքերների կողմից Ձեր անունից գնման կամ վաճառքի պատվերներ կատարելու դիմաց գանձվող գումարներ:
• Ինչպե՞ս են դրանք աշխատում | Դրանք կարող են լինել մեկ գործարքի դիմաց ֆիքսված վճարի կամ գործարքի արժեքի տոկոսի տեսքով:
• Էփրիքոթ Կապիտալի մոտեցումը | Մենք առաջարկում ենք ցածր միջնորդավճարներ՝ սկսած 1 ԱՄՆ դոլարին համարժեք ՀՀ դրամից՝ օգնելով Ձեզ պակասեցնել ներդրումների հետ կապված Ձեր ծախսերը: Մեր միջնորդավճարներին կարող եք ծանոթանալ այստեղ.

2. Հաշվի սպասարկման վճարներ

• Ի՞նչ է դա | Ձեր բրոքերային հաշիվը բաց և ակտիվ պահելու համար տարեկան կամ ամսական գանձվող վճարներ:
• Ինչպե՞ս են դրանք աշխատում | Դրանք կարող են լինել ֆիքսված վճարի տեսքով կամ ընդհանրապես չլինել:
• Էփրիքոթ Կապիտալի մոտեցումը | Մեր ընկերությունը հավատում է, որ ներդրումները պետք է հասանելի դարձնել բոլորի համար, ուստի Էփրիքոթ Կապիտալում տարեկան սպասարկման վճար չկա:

3. Գումարը բրոքերային հաշվից հանելու վճարներ

• Ի՞նչ է դա | Ձեր բրոքերային հաշվից գումարը բանկային փոխանցման միջոցով դուրս հանելու դիմաց գանձվող վճարներ։
• Ինչպե՞ս են դրանք աշխատում | Դրանք կարող են լինել ֆիքսված վճարի տեսքով, գործարքի արժեքի տոկոսի տեսքով կամ ընդհանրապես չլինել:
• Էփրիքոթ Կապիտալի մոտեցումը | Հայաստանի բանկային հաշիվներին փոխանցումների դեպքում մենք ոչ մի վճար չենք գանձում:

Այլ հնարավոր ծախսեր

• Հաշվին ակտիվության բացակայության | Այս վճարները գանձվում են, եթե Ձեր հաշիվը որոշակի ժամկետով մնում է ոչ ակտիվ (օրինակ՝ գործարքներ կամ համալրումներ չեն կատարվում): Կարևոր է տեղյակ լինել նման վճարի առկայության մասին, եթե նախատեսում եք ներդրումներ կատարել երկարաժամկետ՝ առանց հաճախակի գործարքներ կատարելու:
• Էփրիքոթ Կապիտալի մոտեցումը | Մենք չենք գանձում հաշվի վրա ակտիվության բացակայության վճար։
• Ֆոնդերի կառավարման գումար (ETF-ների համար) | Սրանք տարեկան վճարներ են, որոնք գանձվում են ֆոնդի կառավարչի կողմից ֆոնդի ներդրումների կառավարման համար: Այն հաշվում են ֆոնդի ընդհանուր ակտիվների տոկոսի տեսքով: 

Իրազեկված որոշումների կայացում

• Ուսումնասիրեք շուկան | Նախքան հաշիվ բացելը, համեմատեք տարբեր բրոքերների կողմից գանձվող վճարները:
• Հաշվի առեք այս վճարները Ձեր ընդհանուր ռազմավարությունը կառուցելիս | Բարձր վճարները կարող են ժամանակի ընթացքում բացասական ձևով ազդել Ձեր եկամտաբերության վրա:
• Ընտրեք բրոքեր, որը համապատասխանում է Ձեր կարիքներին | Փնտրեք թափանցիկություն և մրցունակ գներ:

Էփրիքոթ Կապիտալը թափանցիկ է իր միվճարների մասով և դրանք պահում է հնարավորինս ցածր: Մենք ցանկանում ենք, որ դուք կենտրոնանաք Ձեր ներդրումների ավելացման վրա՝ չանհանգստանալով թաքնված ծախսերի մասին:

Պատրա՞ստ եք մեծացնել Ձեր կապիտալը

Էփրիքոթ Կապիտալը հնարավորություն է տալիս ներդրումներ կատարել մի շարք ներդրումային գործիքներում: Անվճար բացեք բրոքերային հաշիվ Էփրիքոթում և սկսեք կառուցել Ձեր հարստությունը։ Մենք առաջարկում ենք անվճար տարեկան սպասարկում, ցածր միջնորդավճարներ, նվազագույն գումարի պահանջի բացակայություն:

Ներբեռնեք մեր Apricot հավելվածը App Store ից և Google Play ից։

Ցանկանու՞մ եք ավելին իմանալ ներդրումների մասին: Կարդացեք մեր «Հարց ու պատասխան» շարքի ու բառարանի այլ հոդվածները:

Կարևոր է հիշել, որ ցանկացած ներդրում ենթակա է շուկայական տատանումների և կրում է ներհատուկ ռիսկեր: Նախքան ներդրումներ կատարելը, հաշվի առեք Ձեր ֆինանսական նպատակները և ֆինանսական ռիսկեր ստանձնելու Ձեր ունակությունը:

Էփրիքոթ Կապիտալը վերահսկվում է ՀՀ Կենտրոնական բանկի կողմից։

*Նյութում ներկայացված օրինակները կրում են միայն տեղեկատվական բնույթ: Դրանք չեն հանդիսանում ներդրումային խորհուրդ կամ որևէ կոնկրետ արժեթուղթ գնելու կամ վաճառելու առաջարկ: Տեքստում նշված նախկինում գրանցված կատարողականը չի երաշխավորում ապագայում նմանատիպ արդյունքներ: