Հարց ու պատասխան Էփրիքոթի հետ | Ինչո՞ւ են մարդիկ ներդրումներ կատարում | Պատճառ 2՝ Նպատակներ

Եկեք ուսումնասիրենք ևս մեկ պատճառ, թե ինչու են մարդիկ ներդրումներ կատարում: «Ինչո՞ւ են մարդիկ ներդրումներ կատարում | Պատճառ 1՝ գնաճ»  հոդվածում քննարկեցինք, թե ինչպես են մարդիկ օգտագործում ներդրումները գնաճի հետևանքները մեղմացնելու և իրենց փողերի գնողունակությունը պահպանելու կամ նույնիսկ այն մեծացնելու համար:

Գնաճի հետևանքները մեղմացնելուց բացի, ներդրումները հզոր գործիք են Ձեր միջնաժամկետ և երկարաժամկետ նպատակներին հասնելու ճանապարհին:

Մի քանի օրինակ այն նպատակներից, որոնց հասնելու համար մարդիկ օգտվում են ներդրումների տված հնարավորություններից

• Ֆինանսավորել Ձեր երեխայի կրթությունը
• Գնել ավտոմեքենա 
• Կանխավճար բնակարան գնելու համար
• Վաղաժամկետ “թոշակի” անցում
• 3-ամսյա ճամփորդություն Ասիական երկրներով

Ներդրումները կարող են լինել Ձեր նպատակներին հասնելու գործիքներից մեկը:

Ներդրումային հորիզոնին և նպատակներին համապատասխան ռազմավարություններ

Ներդրումային հորիզոնն այն ժամանակահատվածն է, որի ընթացքում դուք ակնկալում եք պահել Ձեր ներդրումները, նախքան դրանք գումարի վերածելը: Ներդրումային հորիզոնը վճռորոշ դեր է խաղում Ձեզ հարմար ներդրումների տեսակների ընտրության հարցում։ 

• Միջնաժամկետ նպատակներ և միջին ներդրումային հորիզոն

Միջնաժամկետ նպատակների համար ներդրումներ կատարողները հաճախ նախընտրում են ցածր ռիսկային ներդրումային գործիքներ՝ ռիսկը միջնաժամկետ հորիզոնում (1-2 տարի) նվազագույնի հասցնելու համար, ինչպես օրինակ պարտատոմսերը, որոնք առաջարկում են ավելի բարձր տոկոս, քան մյուս միջնաժամկետ տարբերակները և համեմատաբար ցածր ռիսկային են:

• Երկարաժամկետ նպատակներ և երկար ներդրումային հորիզոն

Երկարաժամկետ նպատակների դեպքում ավելի շատ ժամանակ ունենք ներդրումներ անելու և շուկայի հնարավոր վերելքներն ու անկումները հաղթահարելու համար: Բաժնետոմսերը, երկարաժամկետ պարտատոմսերը և ինդեքսային ֆոնդերը կարող են նման ներդրողների համար երկարաժամկետ հորիզոնում (3 և ավելի տարի) աճի ավելի մեծ ներուժ առաջարկել: Բացի այդ, երկարաժամկետում կարող եք օգտվել բարդ տոկոսից, երբ ներդրում եք ներդրումներից ստացված եկամուտը և ժամանակի ընթացքում դրա հաշվին եկամուտը բազմապատկվում է:

Ձեզ համար ճիշտ ներդրումային ռազմավարությունը

Ճիշտ ներդրումային ռազմավարությունն այն է, որը համապատասխանում է Ձեր նպատակներին և ֆինանսական ռիսկեր ստանձնելու Ձեր ունակությանը: Այն կախված է՝

• Ձեր ներդրումային հորիզոնից

Քանի՞ տարի ունեք Ձեր նպատակին հասնելու համար ներդրումներ կատարելու համար։

• Ձեր ռիսկի ախորժակից

Ֆինանսական ռիսկեր ստանձնելու Ձեր ունակությունը։

Անկախ նրանից, թե դուք փորձառու ներդրող եք, թե նորեկ եք ներդրումների աշխարհում, Էփրիքոթ Կապիտալն առաջարկում է Ձեր կարիքներին համապատասխանող մի շարք ներդրումային հնարավորություններ:

Պատրա՞ստ եք սկսել ներդրումներ կատարել ձեր նպատակներին հասնելու համար

Բացեք անվճար բրոքերային հաշիվ Էփրիքոթում: Մենք առաջարկում ենք անվճար տարեկան սպասարկում, ցածր միջնորդավճարներ, նվազագույն գումարի պահանջի բացակայություն:

Ներբեռնեք մեր Apricot հավելվածը App Store ից և Google Play ից։

Ցանկանու՞մ եք ավելին իմանալ ներդրումների մասին: Կարդացեք մեր «Հարց ու պատասխան» շարքի ու բառարանի այլ հոդվածները:

Կարևոր է հիշել, որ ցանկացած ներդրում ենթակա է շուկայական տատանումների և կրում է ներհատուկ ռիսկեր: Նախքան ներդրումներ կատարելը, հաշվի առեք Ձեր ֆինանսական նպատակները և ֆինանսական ռիսկեր ստանձնելու Ձեր ունակությունը:

Էփրիքոթ Կապիտալը վերահսկվում է ՀՀ Կենտրոնական բանկի կողմից։

*Նյութում ներկայացված օրինակները կրում են միայն տեղեկատվական բնույթ: Դրանք չեն հանդիսանում ներդրումային խորհուրդ կամ որևէ կոնկրետ արժեթուղթ գնելու կամ վաճառելու առաջարկ: Տեքստում նշված նախկինում գրանցված կատարողականը չի երաշխավորում ապագայում նմանատիպ արդյունքներ: