Հարց ու պատասխան Էփրիքոթի հետ | Ինչպե՞ս 2025 թվականին պահպանել ճիշտ ֆինանսական սովորություններ

Երբ նոր տարվա ոգևորությունը սկսում է մարել, հեշտ է մոռանալ 2025 թվականի համար մեր սահմանած ֆինանսական նպատակների մասին։ Սա հարմար պահ է, որպեսզի վերանայենք մեր ֆինանսական նպատակները և տեսնենք, թե ինչպես կարող ենք դրանք իրականացնել տարվա ընթացքում։ Այս գրառման մեջ ներկայացնում ենք մի քանի գործնական խորհուրդ։

Սկսեք իրատեսական նպատակներից

Լավ է լինել ամբիցիոզ, բայց չափազանց ագրեսիվ նպատակներ սահմանելը, ինչպես օրինակ՝ եկամտի 50%-ի խնայումը, կարող է տանել ձախողման։ Եթե նոր եք սկսում խնայողություններ կատարել, փորձեք սկսել Ձեր եկամտի 10%-ից։ Հետևեք «վճարիր նախ ինքդ քեզ» սկզբունքին։ Սա նշանակում է, որ ստանալուն պես, նախքան այն ծախսելու հնարավորություն ունենալը, պետք է Ձեր եկամտի 10%-ը մի կողմ դնել։

Իմացեք, թե ինչի՞ համար եք այս ամենն անում

Ձեր մոտիվացիան հասկանալը կարևոր է ֆինանսական նպատակներին հավատարիմ մնալու համար։ Արդյո՞ք խնայում և ներդրում եք կատարում կոնկրետ նպատակների համար, ինչպես օրինակ՝ մեքենայի գնումը, տան կանխավճարի վճարումը կամ երազանքների արձակուրդի կազմակերպումը։ Ունե՞ք պարտք, որը ցանկանում եք մարել։ Արդյո՞ք խնայում և ներդրում եք կատարում ֆինանսական անվտանգության բարձիկ ունենալու, փողի հարցում անհանգստություն չզգալու և միայն աշխատավարձից կախված չլինելու համար։ Գուցե ցանկանում եք վաղաժամ թոշակի անցնել և թողնել Ձեր գրասենյակային աշխատանքը՝ հոբբիով զբաղվելու համար։ Արդյո՞ք հարստություն եք կուտակում Ձեր և Ձեր ընտանիքի համար։ Ինչ էլ որ լինի պատճառը, հիշեք այն՝ կենտրոնացած և մոտիվացված մնալու համար։

Ձևավորեք ճիշտ ֆինանսական սովորություններ

Երկարաժամկետ հաջողության համար կարևոր է ձևավորել ամուր ֆինանսական սովորություններ։ Ահա մի քանի հիմնական սովորություն, որոնք կարող եք ձևավորել 2025 թվականին.

• Կազմեք բյուջե | Բյուջեն օգնում է հետևել եկամուտներին և ծախսերին, բացահայտել այն ոլորտները, որտեղ կարող եք կրճատումներ կատարել, և գումար հատկացնել խնայողությունների և ներդրումների համար։ Նույնիսկ փոքր ծախսերը կարող են կուտակվել. օրական սուրճը կարող է Ձեր տարեկան բյուջեում 365,000 դրամ կազմել։
• Սահմանեք եռամսյակային նպատակներ | Ձեր տարեկան խնայողությունների նպատակը բաժանեք ավելի փոքր, եռամսյակային նպատակների։ Սա հնարավորություն է տալիս ճկունություն և օգնում է ճիշտ ուղու վրա մնալ։ Եռամսյակային նպատակներն ավելի շատ ճկունություն են տալիս, քան ամսականները, այն դեպքում, երբ ստիպված լինեք ավելի քիչ կամ ավել ծախսել տվյալ ամսվա ընթացքում։
• Սկզբում վճարեք ինքներդ Ձեզ | Խնայողությունը դարձրեք ավտոմատ։ Ստեղծեք համակարգ, որտեղ Ձեր եկամտի մի մասը յուրաքանչյուր աշխատավարձի օրն ավտոմատ կերպով փոխանցվում է Ձեր խնայողական կամ բրոքերային հաշվին։
• Կանոնավոր կերպով վերանայեք Ձեր բանկային հաշվի քաղվածքները | Ուշադրություն դարձրեք ծառայությունների համար այն կրկնվող վճարներին, որոնցից այդքան էլ շատ չեք օգտվում։ Հրաժարվեք չօգտագործվող բաժանորդագրություններից և անդամակցություններից՝ ազատելով լրացուցիչ գումար։
• Պլանավորեք խոշոր ծախսերը | Նախապես պլանավորեք խոշոր ծախսերը, ինչպիսիք են նվերները, տան վերանորոգումը կամ արձակուրդները։ Առաջիկա ծախսերը նախատեսելով և դրանց համար խնայելով՝ կարող եք խուսափել պարտքերից և ֆինանսական սթրեսից։
• Սկսեք ներդրումներ կատարել | Մի թողեք, որ գնաճը կրճատի Ձեր խնայողությունները։ Ձեր գումարը ներդրեք ակտիվների մեջ, որոնք համապատասխանում են Ձեր նպատակներին և ռիսկի հանդուրժողականությանը։ Apricot Capital-ի միջոցով կարող եք ներդրում կատարել ներդրումային գործիքների լայն շրջանակում՝ ցածր ռիսկային պետական ​​պարտատոմսերից մինչև դիվերսիֆիկացված ETF-ներ և բարձր աճի պոտենցիալ ունեցող բաժնետոմսեր։

Պատրա՞ստ եք Ձեր ձեռքը վերցնել Ձեր ֆինանսները

Բացեք անվճար բրոքերային հաշիվ և ներբեռնեք մեր Apricot հավելվածը App Store-ից և Google Play-ից։

Իմացեք ավելին ներդրումների մասին Էփրիքոթ Ակադեմիայում։ 

Կարևոր է հիշել, որ ցանկացած ներդրում ենթակա է շուկայական տատանումների և կրում է ներհատուկ ռիսկեր: Նախքան ներդրումներ կատարելը, հաշվի առեք Ձեր ֆինանսական նպատակները և ֆինանսական ռիսկեր ստանձնելու Ձեր ունակությունը:

Էփրիքոթ Կապիտալը վերահսկվում է ՀՀ Կենտրոնական բանկի կողմից։

*Նյութում ներկայացված օրինակները կրում են միայն տեղեկատվական բնույթ: Դրանք չեն հանդիսանում ներդրումային խորհուրդ կամ որևէ կոնկրետ արժեթուղթ գնելու կամ վաճառելու առաջարկ: Տեքստում նշված նախկինում գրանցված կատարողականը չի երաշխավորում ապագայում նմանատիպ արդյունքներ: