Հարց ու պատասխան Էփրիքոթի հետ | Ինչպե՞ս հետևել ֆոնդային շուկայի իրադարձություններին

Ֆոնդային շուկայի իրադարձությունների մասին տեղեկացված լինելը կարևոր է ցանկացած ներդրողի համար՝ անկախ նրանից՝ փորձառու եք, թե նոր եք սկսում ներդրումներ կատարել: Այս հոդվածում կուսումնասիրենք շուկայի զարկերակին հետևելու որոշ արդյունավետ միջոցներ։

1. Նորություններ

• Ֆինանսական նորությունների կայքեր | Հեղինակավոր ֆինանսական լրատվամիջոցները, ինչպես օրինակ՝ Bloomberg-ը, Reuters-ը, CNBC-ն, YahooFinance-ը, MarketWatch-ը և այլք, տրամադրում են շուկայի թարմ նորություններ, վերլուծություններ և փորձագետների կարծիքներ: Կան նաև մասնագիտացված նորությունների փոդքաստներ, որոնք կարող են օգնել Ձեզ տեղեկացված մնալ ֆինանսական նորությունների մասին:
• Ներդրողի բրիֆ | Apricot Capital-ը նաև համագործակցում է հայկական News.am լրատվական գործակալության հետ՝ Ձեզ ներկայացնելու ամենշաբաթյա «Ներդրողի բրիֆ» շարքը, որն ամփոփում է շուկայի նորությունները:
• Apricot Capital հավելվածը | Հավելվածում որոշակի արժեթուղթ (բաժնետոմս, ETF, և այլն) դիտելիս կտեսնեք «News» բաժինը, որտեղ կգտնեք թարմ նորություններ, որոնք վերաբերում են տվյալ արժեթղթին: Դուք կարող եք նաև ստեղծել հատուկ դիտացանկեր՝ հետևելու Ձեզ հետաքրքրող արժեթղթերի գների փոփոխությանը:
• Stocks հավելվածը | Եթե դուք iPhone-ի օգտատեր եք, ապա ունեք ներկառուցված «Stocks» հավելվածը, որը նույնպես կարող է օգնել Ձեզ ստեղծել դիտացանկեր, հետևել նորություններին և այլն:

2.Սոցիալական մեդիա

• Ֆինանսական փորձագետներ | Կարող եք հետևել վստահելի ֆինանսական փորձագետներին, վերլուծաբաններին LinkedIn-ում կամ այլ հարթակներում: Նրանք հաճախ կիսվում են շուկայի միտումների վերաբերյալ տեղեկատվությամբ և իրենց մեկնաբանություններով, որոնք կարող եք հաշվի առնել:
• Ընկերության էջեր | Կարող եք հետևել այն ընկերությունների էջերին, որոնցով հետաքրքրված եք կամ որոնցում ներդրումներ եք կատարել: Նրանց պաշտոնական հայտարարությունները և թարմացումները կարող են օգտակար տեղեկատվություն տրամադրել Ձեզ:

3.Ծանուցումներ

• Գների փոփոխության մասին ծանուցումներ Apricot Capital հավելվածում | Կարող եք գների փոփոխությունների մասին ծանուցումներ սահմանել մեր հավելվածում այն բաժնետոմսերի համար, որոնցով հետաքրքրված եք: Դուք ծանուցում կստանաք, երբ գինը հասնի որոշակի մակարդակի, ինչը կօգնի Ձեզ ժամանակին որոշումներ կայացնել:
• Նորությունների ծանուցումներ | Կարող եք օգտագործել նորությունների ագրեգատոր հավելվածները՝ Ձեր հետաքրքրությունների հիման վրա նորությունների հարմարեցված թարմացումներ ստանալու համար:

4.Հաշվետվություններ և հայտարարություններ

Տարբեր հաշվետվություններ և հայտարարություններ կարող են էապես ազդել ֆոնդային շուկայի վրա՝ ազդելով ներդրողների տրամադրությունների, բաժնետոմսերի գների և ընդհանուր տնտեսական պայմանների վրա: Նման հաշվետվությունների և հայտարարությունների մասին ավելին իմանալու համար, կարդացեք մեր հոդվածն այստեղ:

Այս գործիքներն ու մեթոդները հատկապես օգտակար են ակտիվ ներդրողների համար, ովքեր հաճախ են գնում և վաճառում արժեթղթեր (բաժնետոմսեր, պարտատոմսեր, ETF և այլն): Եթե ​​դուք ավելի պասիվ ներդրող եք, կարող եք դիտարկել այնպիսի գործիքներ, որոնք թույլ են տալիս ներդրումներ կատարել՝ առանց նորություններին անընդհատ հետևելու, ինչպես օրինակ՝ ETF-ները (կառավարվում են մասնագետների կողմից), հայկական բանկերի պարտատոմսեր (երաշխավորվում են Ավանդների երաշխավորման հիմնադրամի կողմից) կամ հայկական պետական պարտատոմսերը, որոնք ցածր ռիսկային գործիքներ են:

Էփրիքոթ Կապիտալը վերահսկվում է ՀՀ Կենտրոնական բանկի կողմից։

*Նյութում ներկայացված օրինակները կրում են միայն տեղեկատվական բնույթ: Դրանք չեն հանդիսանում ներդրումային խորհուրդ կամ որևէ կոնկրետ արժեթուղթ գնելու կամ վաճառելու առաջարկ: Տեքստում նշված նախկինում գրանցված կատարողականը չի երաշխավորում ապագայում նմանատիպ արդյունքներ: