Հարց ու պատասխան Էփրիքոթի հետ | Ինչո՞ւ են մարդիկ ներդրումներ կատարում | Պատճառ 1՝ գնաճ

«Բացեք բրոքերային հաշիվ և սկսեք ներդրումներ կատարել այսօր»: Նման արտահայտություն հաճախ կգտնեք մեր և այլ ներդրումային ընկերությունների գովազդներում: Եթե ներդրումների աշխարհում նորեկ եք, հնարավոր է հարց տաք՝ բայց ԻՆՉՈՒ՞ ընդհանրապես ներդրումներ կատարել: Այս շարքում կքննարկենք հիմնական պատճառները:

Պատճառ 1՝ գնաճ

Ունե՞ք զգացողություն, որ 5 տարի առաջ 1000 դրամով ավելին կարող էիք գնել, քան այսօր: Սա զգացողություն չէ, այլ գնաճի (ինֆլացիայի) հետևանքն է։

Այսօր 1000 դրամով կարելի է գնել 2-3 կգ ծիրան, բայց 5 տարի հետո նույն 1000 դրամով հնարավոր է ավելի քիչ ծիրան կարողանաք գնել, քանի որ գնաճի պատճառով Ձեր 1000 դրամը կարող է կորցնել իր գնողունակությունը։

Գծապատկերում ներկայացված է վերջին 10 տարիների ընթացքում Հայաստանում գնաճը`

Աղբյուր՝ Armstat

Երբ գումար եք խնայում և այն պահում կանխիկ կամ սովորական բանկային հաշվին, Ձեր գումարը փաստորեն ժամանակի ընթացքում կորցնում է իր գնողունակությունը:

Սրանից խուսափելու համար մարդիկ

• ներդնում են փողը ներդրումային գործիքներում՝ հույս ունենալով, որ այն կպահպանի իր գնողունակությունը, ինչպես նաև ժամանակի ընթացքում կաճի: Ներդրումներն ունեն եկամտաբերության մեծ ներուժ, սակայն միևնույն ժամանակ ենթակա են շուկայական տատանումների և կրում են ներհատուկ ռիսկեր:
• պահում են փողը խնայողական հաշիվներում: Վերջիններս ավելի ցածր ռիսկային են, սակայն ներդրումների հետ համեմատած ունեն ավելի ցածր եկամտաբերություն:

Նպատակն է այնպես անել, որ փողն աճի այնպիսի տեմպերով, որը գերազանցում կամ գոնե համընկնում է գնաճի հետ:

Ներդրումները բոլորի համար են

Ներդրումները միայն ֆինանսական փորձագետների համար չեն: Անկախ նրանից, թե դուք ակտիվ ներդրող եք, թրեյդեր կամ մարդ, ով պարզապես ձգտում է պահպանել իր փողի գնողունակությունը, շուկայում կգտնեք Ձեր նպատակներին համապատասխան ներդրումային գործիքներ։

• Ակտիվ ներդրողներն ու թրեյդերները ժամանակ և գիտելիքներ ունեն շուկային հետևելու և առանձին բաժնետոմսեր ընտրելու համար: Հետազոտությունների և որոշումների կայացման գործում նրանք օգտվում են տարբեր գործիքներից, ինչպիսիքն են օրինակ մեր հավելվածում հասանելի գործիքները։ Նրանք կարող են դիմել նաև մարժայով առևտրի հնարավորությունից օգտվելու համար։
• Ֆինանսների ոլորտում սահմանափակ ժամանակ և գիտելիք ունեցող մարդիկ կարող են ընտրել ներդրումային գործիքներ, որոնք առաջարկում են համեմատաբար ցածր ռիսկ և թույլ են տալիս պասիվ կերպով կառավարել փողը, ինչպիսիք են պարտատոմսերը (օրինակ՝ Հայաստանի պետական պարտատոմսերը*), ինդեքսային ֆոնդերը (ինչպես S&P 500*) և այն։

Անկախ նրանից, թե դուք փորձառու ներդրող եք, թե նորեկ եք ներդրումային աշխարհում, Էփրիքոթ Կապիտալն առաջարկում է Ձեր կարիքներին համապատասխանող մի շարք ներդրումային հնարավորություններ:

Ցանկանու՞մ եք ավելին իմանալ ներդրումների մասին: Կարդացեք մեր «Հարց ու պատասխան» շարքի ու բառարանի այլ հոդվածները:

Արդեն հետաքրքրվա՞ծ եք ներդրումներ սկսելով: Բացեք անվճար բրոքերային հաշիվ Էփրիքոթում: Մենք առաջարկում ենք անվճար տարեկան սպասարկում, ցածր միջնորդավճարներ, նվազագույն գումարի պահանջի բացակայություն:

Ներբեռնեք մեր Apricot հավելվածը App Store ից և Google Play ից։

Կարևոր է հիշել, որ ցանկացած ներդրում ենթակա է շուկայական տատանումների և կրում է ներհատուկ ռիսկեր: Նախքան ներդրումներ կատարելը, հաշվի առեք Ձեր ֆինանսական նպատակները և ֆինանսական ռիսկեր ստանձնելու Ձեր ունակությունը:

Էփրիքոթ Կապիտալը վերահսկվում է ՀՀ Կենտրոնական բանկի կողմից։

*Նյութում ներկայացված օրինակները կրում են միայն տեղեկատվական բնույթ: Դրանք չեն հանդիսանում ներդրումային խորհուրդ կամ որևէ կոնկրետ արժեթուղթ գնելու կամ վաճառելու առաջարկ: Տեքստում նշված նախկինում գրանցված կատարողականը չի երաշխավորում ապագայում նմանատիպ արդյունքներ: