Հոկտեմբեր ամիսը ամբողջ աշխարհում նշվում է որպես կիբերանվտանգության իրազեկման ամիս։ Լինելով տեղեկատվական անվտանգության ոլորտի ամենահեղինակավոր ստանդարտներից մեկի՝ ISO/IEC 27001:2022 հավաստագրի արժանացած ընկերություն՝ Apricot Capital-ը շարունակում է իր նախաձեռնությունները՝ նպատակ ունենալով բարձրացնել իրազեկվածությունը ոչ միայն լայն հանրության, այլև սեփական թիմի շրջանում։
Այս ամսվա շրջանակում Apricot Capital-ի աշխատակիցների համար կազմակերպվեց հատուկ դասընթաց, որի ընթացքում նրանք վերանայեցին կիբերանվտանգության հիմնական կանոնները, ծանոթացան ֆիշինգի և խարդախությունների կանխարգելման լավագույն մեթոդներին, ինչպես նաև վերհիշեցին ընկերության տեղեկատվական անվտանգության ներքին քաղաքականությունները։
Մենք վստահ ենք, որ աշխատակիցների գիտելիքն ու զգոնությունը նույնքան կարևոր են, որքան տեխնոլոգիական լուծումները․ հենց այդ համադրությունն է ապահովում մեր հաճախորդների և ընկերության իրական պաշտպանությունը։
Նշենք, որ ավելի վաղ Apricot Capital-ի գործադիր տնօրեն Վաչիկ Գևորգյանը հարցազրույց էր տվել «Առկա» լրատվական գործակալությանը, որտեղ անդրադարձել էր ներդրողների համար կիբերանվտանգության կարևորությանն ու դրա պահպանման հիմնական կանոններին։ Հարցազրույցի ամբողջական տեքստը կարող եք կարդալ «Առկա»-ի կայքում։
Հայաստանի պետական տնտեսագիտական համալսարանում (ՀՊՏՀ) տեղի ունեցավ հայկական ներդրումային Էփրիքոթ Կապիտալ ընկերության հովանավորությամբ վերանորոգված լսարանի բացումը։
Apricot Capital-ի գործադիր տնօրեն Վաչիկ Գևորգյանը հանդես եկավ ինտերակտիվ դասախոսությամբ CaseKey ուսանողական մրցույթի “Industry Talks” կրթական հանդիպումների շարքի շրջանակում։
Apricot Capital-ի գործադիր տնօրեն Վաչիկ Գևորգյանը մասնակցեց Seaside Startup Summit 2025-ի շրջանակում կազմակերպված «Ֆինթեքի ապագան Հայաստանում» թեմայով պանելային քննարկմանը։ Քննարկումը համախմբել էր Հայաստանի ֆինանսական և տեխնոլոգիական ոլորտների առաջատար ընկերությունների ղեկավարներին՝ ֆինանսական տեխնոլոգիաների զարգացման հնարավորությունների շուրջ կարծիքներ փոխանակելու և ոլորտի ապագայի վերաբերյալ դիտարկումներ ներկայացնելու նպատակով։
Վերջին թարմացումը՝ 21.10.2025 15:19
