ԱՄՆ-ում կանխատեսվածից բարձր տնտեսական աճ է գրանցվել տարվա երրորդ եռամսյակում

ԱՄՆ ՀՆԱ-ն տարվա երրորդ եռամսյակում զգալիորեն աճել է, չնայած տոկոսադրույքների՝ վերջին 22 տարիների ամենաբարձր մակարդակին:

Տնտեսական աճը տարեկան կտրվածքով կազմել է 4.9%, ինչը զգալիորեն գերազանցում է երկրորդ եռամսյակի 2.1% և երրորդ եռամսյակի համար տնտեսագետների կողմից կանխատեսված 4.3% աճի ցուցանիշները։

ՀՆԱ-ի աճը հուլիսից սեպտեմբերն ընկած ժամանակահատվածում ամենաարագն է 2021թ.-ից ի վեր, ինչը թույլ է տալիս հերքել այս տարվա գարնանը գրանցված բանկային ճգնաժամից հետո երկրում մինչև տարեվերջ տնտեսական անկում գրանցվելու վերաբերյալ կանխատեսումները։