Ավելի հասանելի ներդրումներ․ Apricot Capital հավելվածի նոր թարմացումը

Apricot Capital հավելվածը թարմացվել է նոր հնարավորություններով, որոնք ներդրումները դարձնում են ավելի ճկուն, հարմար և հասանելի։ Թարմացումները ներառում են բաժնետոմսերի մասնակի առք և վաճառք, հայտերի նոր տեսակներ և մի շարք այլ ֆունկցիոնալ բարելավումներ։

Նոր հնարավորություններից օգտվելու համար հարկավոր է թարմացնել հավելվածը։

Ավելի մանրամասն յուրաքանչյուրի մասին․

Բաժնետոմսի մասնաբաժնի առք կամ վաճառք Apricot Capital հավելվածում

Այժմ կարող ես ներդրումներ կատարել ԱՄՆ խոշոր ընկերություններում՝ առանց ամբողջ բաժնետոմսը գնելու անհրաժեշտության։ Գնիր կամ վաճառիր նշված ընկերությունների բաժնետոմսերի մասնաբաժիններ (օրինակ՝ 0.5 կամ նույնիսկ 0.1 բաժնետոմս) և սկսիր աստիճանաբար ձևավորել ներդրումային պորտֆել։

Հնարավորությունը հասանելի է 50 ընկերության բաժնետոմսերի համար, ներառյալ՝

• Apple Inc.
• Meta Platforms
• Microsoft Corporation
• NVIDIA Corporation
• Tesla, Inc.

Ամբողջական ցանկը տես այստեղ։ Ցանկը պարբերաբար կհամալրվի նոր արժեթղթերով։

ԿԱՐԵՎՈՐ Է.

• Մասնաբաժիններով առևտուրը հասանելի է միայն ԱՄՆ շուկայի հիմնական առևտրային ժամերին և չի գործում նախաշուկայական կամ հետշուկայական ժամերին։
• Մասնաբաժինների կարճ վաճառք (short selling) հասանելի չէ։

Առքի և վաճառքի հայտերի նոր տեսակներ

Նոր հավելվածում հասանելի են GTD (Good Till Date) և GTC (Good Till Cancelled) հայտերը, որոնց շնորհիվ կարող ես հեշտությամբ ավտոմատացնել հայտերի իրականացումը։

Ինչպե՞ս․

📌 GTD՝ ընտրում ես կոնկրետ ամսաթիվ, և հայտը գործում է մինչև այդ օրը
📌 GTC՝ հայտը մնում է ակտիվ այնքան ժամանակ, մինչև այն կատարվի կամ չեղարկվի։

Այլևս պարտադիր չէ ամեն օր հետևել շուկային․ պարզապես սահմանիր քո պայմանները, իսկ հավելվածը կհետևի դրանց իրականացմանը։

ԿԱՐԵՎՈՐ Է.

• GTD (Good Till Date) և GTC (Good Till Cancelled) հայտերով մասնաբաժիններով առևտուր հասանելի չէ։

Apricot Capital հավելվածի հայերեն տարբերակը

Ներդրումներն այժմ ավելի հասկանալի են․ հավելվածը հասանելի է հայերենով, որպեսզի կարողանաս հեշտ կողմնորոշվել հավելվածում և վստահ որոշումներ կայացնել։

Լեզուն փոխելու համար հետևիր պարզ քայլերին․

1. Հավելվածում ընտրիր «Ցանկ»
2. Ընտրիր «⚙️» պատկերակը
3. Կարգավորումներից ընտրիր «Լեզու»
4. Ընտրիր «Հայերեն»։

Թարմացրու հավելվածը հիմա և սկսիր կատարել խելացի ներդրումներ՝ ավելի վստահ և հարմար։