Հարց ու պատասխան Էփրիքոթի հետ. Արդյո՞ք Բիթքոինի ETF գնելը նույնն է, ինչ Բիթքոին գնելը

ԱՄՆ Արժեթղթերի և բորսաների հանձնաժողովի (SEC) կողմից Բիթքոինի ETF-ների հաստատումը մեծ աղմուկ բարձրացրեց, բայց արդյո՞ք դրանք նույնն են, ինչ Բիթքոինը: Եկեք հասկանանք։

Արդյո՞ք Բիթքոինը և Բիթքոինի ETF-ը նույնն են։

Ոչ: Եկեք ուսումնասիրենք հիմնական տարբերությունները։

Ակտիվին տիրապետելը

• Բիթքոին – Երբ գնում եք Բիթքոին, ուղղակիորեն տիրապետում եք այդ թվային ակտիվին: Դուք վերահսկում եք թվային արժույթի մասնավոր բանալիները և պատասխանատու եք դրանց անվտանգության և պահպանման համար։
• Բիթքոինի ETF – Երբ գնում եք Բիթքոինի ETF, ձեռք չեք բերում հենց Բիթքոին, այլ գնում եք բաժնետոմսեր մի ֆոնդում, որը տիրապետում է Բիթքոինի։ Սա նման է այնպիսի ընկերությունում բաժնետոմսեր ունենալուն, որն իր ակտիվներն ամբողջությամբ ներդրել է Բիթքոինի մեջ։

Առք ու վաճառք և հասանելիություն

• Բիթքոին – Բիթքոին գնելու և վաճառելու համար Ձեզ հարկավոր է հաշիվ թվային արժույթի առևտրային հարթակում, որը տարբերվում է ավանդական բրոքերային հաշիվներից:
• Բիթքոինի ETF – Բիթքոինի ETF-ները կարող եք գնել և վաճառել սովորական ֆոնդային բորսաներում, այնպես ինչպես բաժնետոմսերը (ինչպիսիք են Apple-ի, Microsoft-ի, Tesla-ի բաժնետոմսերը) կամ փոխադարձ ֆոնդերը։ Այս տարբերակը այն ավելի հասանելի է դարձնում ներդրողների ավելի լայն շրջանակի համար:

Կարգավորում և ռիսկ

• Բիթքոին – Թվային արժույթի շուկան հիմնականում կարգավորված չէ և կարող է ռիսկային լինել հնարավոր խարդախությունների, հաքերների և գների անկայունության պատճառով:
• Բիթքոինի ETF – ETF-երը ենթակա են ավելի խիստ կարգավորման և վերահսկողության։ Դրանք ավելի անվտանգ և պաշտպանված տարբերակ են ներդրողների համար: Այնուամենայնիվ, ինչպես ցանկացած ներդրում, Բիթքոինի ETF-ները ենթակա են շուկայական տատանումների և կրում են ներհատուկ ռիսկեր

Ընդհանուր առմամբ

• Բիթքոին գնելը տալիս է անմիջական սեփականության և վերահսկողության հնարավորթյուն, սակայն այն չկարգավորված շուկայում է, որտեղ առք ու վաճառքն ու հասանելիությունը համեմատաբար բարդ են։
• Բիթքոինի ETF-ներն առաջարկում են ավելի հեշտ հասանելիություն և համեմատաբար ավելի պաշտպանված են։ Նրանք չեն տալիս Բիթքոինի ուղղակի սեփականության իրավունք:

Հետաքրքրվա՞ծ եք ձեր պորտֆելում Բիթքոինի ETF ավելացնելով: Այժմ կարող եք Էփրիքոթի հավելվածի միջոցով գնել սփոթ Բիթքոինի ETF-ներ (օրինակ՝ ARKB, FBTC, BTCO, HODL)։* Հավելվածը կարող եք անվճար ներբեռնել App Store-ից և Google Play-ից։

Կարևոր է հիշել, որ ինչպես ցանկացած ներդրում, Բիթքոինի ETF-ները ենթակա են շուկայական տատանումների և կրում են ներհատուկ ռիսկեր: Նախքան ներդրումներ կատարելը, հաշվի առեք Ձեր ֆինանսական նպատակները և ռիսկերի հանդուրժողականությունը:

Էփրիքոթ Կապիտալը վերահսկվում է ՀՀ Կենտրոնական բանկի կողմից։

*Նյութում ներկայացված օրինակները կրում են միայն տեղեկատվական բնույթ: Դրանք չեն հանդիսանում ներդրումային խորհուրդ կամ որևէ կոնկրետ արժեթուղթ գնելու կամ վաճառելու առաջարկ: