Հարց ու պատասխան Էփրիքոթի հետ | Ի՞նչ է բրոքերային հաշիվը և ինչպե՞ս կարող եմ համալրել կամ գումարը ելքագրել իմ բրոքերային հաշվից

Ճիշտ այնպես, ինչպես Ձեզ անհրաժեշտ է բանկային հաշիվ՝ Ձեր գումարը պահելու և բանկային ծառայություններից օգտվելու համար, այնպես էլ Ձեզ անհրաժեշտ է բրոքերային հաշիվ՝ ներդրումների աշխարհ մուտք գործելու համար: Անկախ նրանից, թե դուք հետաքրքրված եք բաժնետոմսերով, պարտատոմսերով, ETF-ներով կամ այլ արժեթղթերով, բրոքերային հաշիվը Ձեր հիմնական գործիքն է արժեթղթեր գնելու, վաճառելու և Ձեր ներդրումները կառավարելու համար:

Նախկինում երբեք չե՞ք ունեցել բրոքերային հաշիվ և վստահ չեք, թե ինչպես է այն աշխատում: Այս հոդվածում պատասխանում ենք բրոքերային հաշիվների վերաբերյալ ամենահաճախ տրվող հարցերին:

1. Ի՞նչ է բրոքերային հաշիվը

Այն Ձեր ներդրումների համար թվային դրամապանակի պես մի բան է։ Նման հաշիվ կարելի է բացել լիցենզավորված ֆինանսական կազմակերպություններում, որոնք մատուցում են բրոքերային ծառայություններ (օրինակ՝ Apricot Capital-ում): Կախված Ձեր բրոքերից՝ բրոքերային հաշիվը հնարավորություն է տալիս հասանելիություն ունենալ ֆինանսական շուկաների և ներդրումային հնարավորությունների լայն շրջանակի: Որպեսզի համոզված լինեք, որ Ձեր գումարն անվտանգ է, շատ կարևոր է ընտրել այնպիսի բրոքեր, որը լիցենզավորված է և կարգավորվում է ՀՀ Կենտրոնական բանկի կողմից: Չգիտե՞ք, թե ինչ հաշվի առնել բրոքեր ընտրելիս: Կարդացեք մեր բլոգի գրառումը:

2. Ինչպե՞ս կարող եմ համալրել Apricot Capital-ում իմ բրոքերային հաշիվը

Ձեր բրոքերային հաշիվը կարող եք համալրել գումարով, ինչպես նաև արժեթղթերով։

• Բանկային փոխանցում | Այժմ Ձեր բրոքերային հաշիվը գումարով համալրելու համար հասանելի է միայն բանկային փոխանցման տարբերակը: Փոխանցումը կատարելու մանրամասները և անհրաժեշտ տեղեկությունները հասանելի են այստեղ: Կարող եք համալրել Ձեր հաշիվը ՀՀ դրամով կամ հասանելի արտարժույթով (ներկայումս՝ USD, EUR, AED): Հիշեք, որ դուք միշտ կարող եք արժույթները փոխանակել անմիջապես մեր հավելվածում՝ հարմար փոխարժեքով: Հավելվածով արտարժույթի փոխանակման քայլ առ քայլ վիդեո ուղեցույցը հասանելի է այստեղ։  Փոխանցված միջոցները ստանալուն պես դրանք կմուտքագրվեն Ձեր բրոքերային հաշվին, և դուք էլեկտրոնային փոստով ծանուցում կստանաք, որ միջոցները հասանելի են: Հիշեք, որ բանկային փոխանցումների մշակման համար հարկավոր է որոշակի ժամանակ և համապատասխանաբար պլանավորեք Ձեր փոխանցումները:
• Տեղափոխել արժեթղթեր այլ բրոքերային հաշվից | Ունե՞ք ներդրումներ Ձեր այլ բրոքերային հաշվին, որոնք ցանկանում եք տեղափոխել Apricot Capital-ում Ձեր հաշվին: Պարզապես մեր հավելվածում այցելեք «More» -> «Trader Messages», գրեք, թե ինչ եք ցանկանում անել, և մեր թիմը կուղղորդի Ձեզ այդ գործընթացում:

3. Ինչպե՞ս կարող եմ գումարը ելքագրել Apricot Capital-ում իմ բրոքերային հաշվից

Ցանկանում եք ելքագրե՞լ Ձեր միջոցները: Կարող եք հեշտությամբ գումարը փոխանցել Ձեր բանկային հաշվին: 

• Փոխանցում ՀՀ բանկային հաշվին | Պարզապես բացեք մեր հավելվածը, սեղմեք «More» -> «Trader Messages» և գրեք մեր թիմին, թե որքան գումար եք ցանկանում ելքագրել և Ձեր  ՀՀ բանկային հաշվի տվյալները: Մեր թիմը կկատարի փոխանցումը։ Հիշեք, որ բանկային փոխանցումների մշակման համար հարկավոր է որոշակի ժամանակ և համապատասխանաբար պլանավորեք Ձեր փոխանցումները:
• Փոխանցում օտարերկրյա բանկային հաշվին | Բացեք մեր հավելվածը, սեղմեք «More» -> «Trader Messages» և գրեք մեր թիմին, որ ցանկանում եք գումար ելքագրել Ձեր օտարերկրյա բանկային հաշվին, և մեր թիմը կուղղորդի Ձեզ այդ գործընթացում:

Կարևոր է իմանալ

• Դուք կարող եք ելքագրում կատարել միայն Ձեր սեփական բանկային հաշվին. բանկային հաշիվը պետք է լինի Ձեր անունով:
• Դուք պետք է տրամադրեք ճիշտ արժույթի բանկային հաշվի տվյալները: Օրինակ, եթե դուք վաճառել եք բաժնետոմս ԱՄՆ ֆոնդային շուկայում, ապա Ձեր բրոքերային հաշվին կունենաք ԱՄՆ դոլար: Այն ելքագրելու համար ունեք երկու տարբերակ՝
  1. Տրամադրել Ձեր ԱՄՆ դոլարով բանկային հաշվի տվյալները:
  2. Փոխարկել Ձեր ԱՄՆ դոլարը ՀՀ դրամի մեր հավելվածի միջոցով և ելքագրել ՀՀ դրամ: Հավելվածով արտարժույթի փոխանակման քայլ առ քայլ վիդեո ուղեցույցը հասանելի է այստեղ:

4. Կա՞ն արդյոք որևէ ծախսեր կապված Apricot Capital-ում բրոքերային հաշիվ ունենալու հետ

Մենք հավատում ենք թափանցիկ և մատչելի ներդրումներին։ Այդ իսկ պատճառով Apricot Capital-ում

• Չկա հաշվի բացման վճար
• Չկա հաշվի տարեկան սպասարկման վճար 
• ՀՀ բանկային հաշվեհամարներին փոխանցելիս ելքագրման վճար չկա

Ինչպես նաև գործում են բրոքերային ցածր միջնորդավճարներ, որոնց կարող եք ծանոթանալ այստեղ։

Պատրա՞ստ եք սկսել ներդրումներ կատարել

Apricot Capital-ը ներդրումները դարձնում է պարզ և մատչելի: Անվճար բացեք մեզ մոտ  բրոքերային հաշիվ և սկսեք կառուցել Ձեր ֆինանսական ապագան: Ներբեռնեք մեր Apricot հավելվածը App Store ից և Google Play ից։

Ցանկանու՞մ եք ավելին իմանալ ներդրումների մասին: Կարդացեք մեր «Հարց ու պատասխան» շարքի ու բառարանի այլ հոդվածները և դիտեք ու լսեք Apricot talks խելացի ներդրողի փոդքասթը։

Կարևոր է հիշել, որ ցանկացած ներդրում ենթակա է շուկայական տատանումների և կրում է ներհատուկ ռիսկեր: Նախքան ներդրումներ կատարելը, հաշվի առեք Ձեր ֆինանսական նպատակները և ֆինանսական ռիսկեր ստանձնելու Ձեր ունակությունը:

Էփրիքոթ Կապիտալը վերահսկվում է ՀՀ Կենտրոնական բանկի կողմից։

Նյութում ներկայացված օրինակները կրում են միայն տեղեկատվական բնույթ: