Ի՞նչ է բաժնետոմսերի մասնաբաժիններով առևտուրը և ինչպե՞ս է աշխատում | Հարց ու պատասխան Էփրիքոթի հետ

Apricot Capital հավելվածում հնարավոր է գնել կամ վաճառել բաժնետոմսերի մասնաբաժիններ՝ դարձնելով ներդրումներն ավելի հասանելի և ճկուն։

Ի՞նչ է բաժնետոմսի մասնաբաժինը

Բաժնետոմսի մասնաբաժինը հնարավորություն է տալիս գնել կամ վաճառել ամբողջ բաժնետոմսի միայն մի մասը։

Օրինակ, եթե Apple-ի մեկ բաժնետոմսի արժեքը կազմում է 300 ԱՄՆ դոլար, պարտադիր չէ գնել ամբողջ բաժնետոմսը։ Դուք կարող եք ձեռք բերել դրա միայն մի մասը՝ օրինակ 0.1, 0.25 կամ 0.5 բաժնետոմս։

Այսպիսով, ներդրումներ կարող եք սկսել ձեզ հարմար գումարից՝ առանց ամբողջ բաժնետոմսը գնելու անհրաժեշտության։

Ինչպե՞ս է աշխատում

Երբ գնում եք 0.1 բաժնետոմս, դուք դառնում եք մեկ ամբողջ բաժնետոմսի 10%-ի սեփականատերը։ Եթե բաժնետոմսի շուկայական գինը բարձրանում կամ նվազում է, նույն համամասնությամբ փոխվում է նաև ձեր մասնաբաժնի արժեքը։

ՕՐԻՆԱԿ

Ենթադրենք Apple-ի մեկ բաժնետոմսի արժեքը 300 ԱՄՆ դոլար է։

• Եթե դուք գնեք 0.1 բաժնետոմս, ձեր ներդրումը կկազմի 30 ԱՄՆ դոլար։
• Եթե հետագայում Apple-ի բաժնետոմսի արժեքը բարձրանա մինչև 330 ԱՄՆ դոլար (10% աճ), ապա ձեր 0.1 բաժնետոմսի արժեքը նույնպես կաճի 10%-ով՝ հասնելով 33 ԱՄՆ դոլարի։
• Նույն կերպ, եթե բաժնետոմսի արժեքը նվազի, ձեր մասնաբաժնի արժեքը նույնպես կնվազի նույն համամասնությամբ։

Այլ կերպ ասած՝ դուք մասնակցում եք բաժնետոմսի արժեքի փոփոխությանը նույն տոկոսային չափով, ինչ ամբողջ բաժնետոմսի սեփականատերը՝ պարզապես ներդնելով ավելի փոքր գումար։

Ինչո՞ւ է սա կարևոր ներդրողների համար

Մասնաբաժիններով առևտուրը հնարավորություն է տալիս՝

• սկսել ներդրումներ փոքր գումարներով,
• դիվերսիֆիկացնել ներդրումային պորտֆելը՝ ներդրումներ կատարելով միաժամանակ մի քանի ընկերություններում,
• ներդրումներ կատարել ԱՄՆ առաջատար ընկերություններում՝ անկախ դրանց բաժնետոմսերի արժեքից,
• աստիճանաբար ձևավորել ներդրումային պորտֆել՝ կանոնավոր ներդրումների միջոցով։
• Ո՞ր ընկերությունների բաժնետոմսերն են հասանելի

Apricot Capital հավելվածում մասնաբաժիններով առևտուրն այժմ հասանելի է 50 ամերիկյան ընկերությունների բաժնետոմսերի համար, այդ թվում՝

• Apple
• Microsoft
• NVIDIA
• Meta
• Tesla
• և բազմաթիվ այլ ընկերությունների։

Արժեթղթերի ցանկը պարբերաբար կհամալրվի։

Կարևոր է իմանալ

Apricot Capital ներդրումային հավելվածում բաժնետոմսերի մասնաբաժիններով գործարքներ կատարելիս հարկավոր է հաշվի առնել հետևյալ կարևոր կետերը․

• Մասնաբաժիններով առևտուրը հասանելի է միայն ԱՄՆ շուկայի հիմնական առևտրային ժամերին։
• Նախաշուկայական (Pre-market) և հետշուկայական (After-hours) առևտրի ընթացքում մասնաբաժիններով գործարքներ կատարել հնարավոր չէ։
• Մասնաբաժիններով կարճ վաճառք (Short Selling) հասանելի չէ։
• Հասանելի են միայն Market և Limit հայտերը։
• GTD (Good Till Date) և GTC (Good Till Cancelled) հայտերով մասնաբաժիններով առևտուրն աջակցված չէ։

Ինչպե՞ս սկսել

Բաժնետոմսի մասնաբաժին գնելու համար

• Բացեք բրոքերային հաշիվ Apricot Capital-ում։
• Ներբեռնեք կամ թարմացրեք Apricot Capital հավելվածը։
• Համալրեք ձեր բրոքերային հաշիվը։
• Ընկերությունների ցանկից ընտրեք ձեր նախընտրածը և գնեք բաժնետոմսի անհրաժեշտ մասնաբաժինը։

Ներդրումները դարձրել ենք ավելի հասանելի, որպեսզի կարողանաք սկսել ներդրումներ կատարել ձեզ հարմար գումարով։