ԱՄՆ-ում գնաճը հոկտեմբերին գրանցել է կանխատեսվածից ցածր ցուցանիշ՝ 3.2%, ինչը վերջին չորս ամիսների ընթացքում գնաճի առաջին անկումն է։ Արդյունքում, գանձապետական պարտատոմսերի եկամտաբերությունը կտրուկ նվազել է, իսկ բաժնետոմսերի գները աճել։
2 տարեկան գանձապետական պարտատոմսերի եկամտաբերությունը նվազել է 0.21%-ով և կազմել 4.83%: Ուղենշային 10 տարեկան գանձապետական պարտատոմսերի եկամտաբերությունը հասել է վերջին երեք ամիսների նվազագույն մակարդակին՝ 4.43%:
S&P 500 ինդեքսի արժեքն աճել է 1.9%-ով՝ գրանցելով ապրիլ ամսից ի վեր ինդեքսի ամենամեծ մեկօրյա աճը։ Nasdaq Composite ինդեքսն աճել է 2.4%-ով։
Standard and Poor's 500-ը, կամ պարզապես S&P 500-ը, ֆոնդային շուկայի ինդեքս է, որում ներառված են ԱՄՆ ֆոնդային բորսաներում ցուցակված 500 խոշորագույն ընկերությունները։
ԱՄՆ-ում սեպտեմբերին գրանցվել է 3.7% գնաճ, այնինչ կանխատեսվում էր գների 3.6% աճ։
ԱՄՆ 30 տարի ժամկետայնությամբ պետական պարտատոմսերի տոկոսադրույքը հասել է վերջին 21 տարիների առավելագույն ցուցանիշին, ինչի արդյունքում հիփոթեքային վարկերի տոկոսադրույքները ևս կտրուկ բարձրացել են՝ էլ ավելի աղավաղելով ԱՄՆ բնակարանային շուկայի հեռանկարը։
Վերջին թարմացումը՝ 15.11.2023 09:00
