Apricot Capital-ի նախաձեռնությամբ լույս տեսավ Մորգան Հաուզելի «Փողի հոգեբանությունը» բեսթսելլերի հայերեն թարգմանությունը

Apricot Capital-ի նախաձեռնությամբ և աջակցությամբ՝ Newmag հրատարակչության հետ համագործակցությամբ մեր մայրենիով լույս տեսավ Մորգան Հաուզելի համաշխարհային բեսթսելլեր «Փողի հոգեբանությունը»։

«Փողի հոգեբանությունը» ընթերցողին տալիս է գործնական դասեր, որոնք կարող են օգնել կառուցել ավելի ապահով ֆինանսական ապագա։ Այն կհարստացնի ներդրումների ու անձնական ֆինանսերի թեմայով հայալեզու գրականությունը։

Գիրքը թարգմանվել է տասնյակ լեզուներով։ Աշխարհում վաճառվել է 8 միլիոն օրինակ։

«Անձնական ֆինանսների ու ներդրումների կառավարման գործում հաջողելու համար մենք նախ պետք է զարգացնենք ճիշտ մտածելակերպ և փողի նկատմամբ ճիշտ վերաբերմունք։ Այդ պատճառով է, որ Apricot Capital-ը մեծ ջանքեր է գործադրում կրթական ծրագրերի միջոցով Հայաստանում պատասխանատու ներդրումային մշակույթ ձևավորելու ուղղությամբ, և Newmag-ի հետ համագործակցությամբ Մորգան Հաուսելի միջազգային բեսթսելլեր «Փողի հոգեբանությունը» հայերենով հասանելի դարձնելն այդ ջանքերի շրջանակում է։ Հաուսելի գիքը տեսական ֆինանսական գիրք չէ. այն մատչելի, պարզ լեզվով և իրական կյանքից պատմությունների միջոցով բացատրում է ֆինանսների և փողի հետ կապված կարևոր հասկացություններ, ինչպիսիք են բարդ տոկոսը, խնայելու սովորությունները և հարստության կուտակումը։ Սա երկարաժամկետ ներդրում է Apricot Capital-ի համար, և մենք վստահ ենք, որ այն դրական ազդեցություն կունենա ընթերցողների վրա՝ դրդելով վերջիններիս մտածել, թե ինչպե՞ս են նրանք կառավարում, խնայում և աճեցնում իրենց փողը, և, ինչու ոչ, նաև մոտիվացնել նրանց բացահայտել ներդրումների աշխարհը Apricot Capital-ի հետ», նշել է Apricot Capital-ի Գործադիր տնօրեն Վաչիկ Գևորգյանը։

Գրքի երևանյան շնորհանդեսը տեղի ունեցավ 2025թ.-ի մայիսի 28-ին։ Միջոցառման շրջանակում կայացավ նաև ֆինանսական ոլորտի առաջատար մասնագետների մասնակցությամբ անձնական ֆինանսների և գրքի շուրջ պանելային քննարկում։ Շնորհանդեսի մասին ռեպորտաժին կարող եք ծանոթնալ ստորև՝