Հարց ու պատասխան Էփրիքոթի հետ | Որքա՞ն գումար է անհրաժեշտ ներդրումներ սկսելու համար

Ի՞նչ եք կարծում, որքան գումար է անհրաժեշտ ներդրումներ սկսելու համար: 10,000 ԱՄՆ դոլա՞ր, 1,000 ԱՄՆ դոլա՞ր, 100 ԱՄՆ դոլա՞ր, թե՞ 10 ԱՄՆ դոլար: Իրականում չկա միանշանակ ճիշտ պատասխան. ամեն ինչ կախված է Ձեր ֆինանսական նպատակներից և ընտրած ներդրումային գործիքից: Կա տարածված թյուր կարծիք, որ ներդրումներ սկսելու համար անհրաժեշտ է մեծ գումար: Իրականում, դուք կարող եք սկսել կառուցել Ձեր ֆինանսական ապագան փոքր, բայց հետևողական ներդրումներով: Այս գրառման մեջ կքննարկենք, թե ինչպես կարող եք սկսել ներդրումներ կատարել փոքր գումարներով:

Քայլ 1. Հասկացեք, որ կարող եք սկսել փոքրից

Ներդրումներ կատարելու համար պարտադիր չէ մեծ կարողության տեր լինել. ժամանակակից հարթակները, ինչպիսին է Apricot Capital-ը, հեշտացնում են փոքր գումարով ներդրումներ կատարելը՝ առաջարկելով մատչելի միջնորդավճարներ և հասանելիություն սկսնակների համար հարմար գործիքներին: Անկախ նրանից, թե ամսական ներդրելու համար ունեք 10,000 ՀՀ դրամ, թե 50,000 ՀՀ դրամ, ֆինանսական շուկայում կան Ձեր բյուջեին համապատասխան գործիքներ: Հաջողության գրավականը հետևողականությունն է. բարդ տոկոսի շնորհիվ փոքր, բայց կանոնավոր ներդրումները կարող են ժամանակի ընթացքում զգալի աճ գրանցել:

Ահա մի քանի գործիք, որոնք թույլ են տալիս փոքր գումարով սկսել ներդրումներ կատարել.

• Բորսայում շրջանառվող ֆոնդեր (ETF-ներ): ETF-երը բաժնետոմսերի կամ պարտատոմսերի խմբեր են, որոնք շրջանառվում են որպես մեկ բաժնետոմս: Շատ ETF-եր ունեն ցածր մուտքի շեմ, ինչը թույլ է տալիս ներդրումներ կատարել դիվերսիֆիկացված գործիքներում, ինչպիսիք են ինդեքսային ֆոնդերը, ընդամենը 10,000–20,000 ՀՀ դրամով: Դրանք կատարյալ են պասիվ ներդրողների կամ սկսնակների համար, ովքեր ցանկանում են դիվերսիֆիկացիա՝ առանց մեծ բյուջեի: 
• Բաժնետոմսեր | Որոշ բաժնետոմսեր, հատկապես միջազգային շուկաներում, կարելի է ձեռք բերել ընդամենը մի քանի դոլարով: Կարելի է ներդրումներ կատարել մատչելի բաժնետոմսերում և աստիճանաբար կառուցել ներդրումային պորտֆել: Սակայն ցածր շուկայական կապիտալիզացիա ունեցող ընկերությունների բաժնետոմսերն ավելի ռիսկային են՝ իրենց անկայունության պատճառով, ուստի ներդրումներ կատարելուց առաջ անհրաժեշտ է ուսումնասիրել և գնահատել ռիսկերը:
• Պարտատոմսեր | Ի տարբերություն բաժնետոմսերի, որոնց դեպքում հնարավոր է գնել միայն մեկ բաժնետոմս, պետական պարտատոմսերը սովորաբար ունեն գնման նվազագույն ծավալ (ՀՀ պետական պարտատոմսերի դեպքում՝ 1000 ՀՀ դրամ): Սակայն սա չի նշանակում, որ անհրաժեշտ է կատարել մեծ գումարներով ներդրումներ: ՀՀ պետական պարտատոմսերի գնանշումներին կարող եք ծանոթանալ այստեղ: Պետական պարտատոմսերն ավելի ցածր ռիսկային գործիք այն ներդրողների համար, ովքեր ցանկանում են սկսել փոքր ներդրումներով և ունենալ կայուն եկամուտ: Կորպորատիվ պարտատոմսերը նույնպես հաճախ հնարավորություն են տալիս ներդրումներ կատարել ավելի փոքր բյուջեով:

Քայլ 2. Կազմեք բյուջե

Հարկավոր է հասկանալ, թե այս պահին որքան գումար կարող եք հատկացնել ներդրումներ կատարելու համար՝ առանց ծանրաբեռնելու Ձեր ֆինանսները: Եկամուտ ստանալիս, վճարեք նախ ինքներդ Ձեզ՝ Ձեր եկամտի 5–10%-ը խնայողությունների և ներդրումների համար մի կողմ դնելով: Օրինակ՝ 

• Եթե ամսական վաստակում եք 300,000 ՀՀ դրամ, նպատակ դրեք ներդնել 15,000–30,000 ՀՀ դրամ: 
• Կրճատեք փոքր ծախսերը։ Օրինակ, եթե կրճատեք օրական 1,000 ՀՀ դրամ արժողությամբ սուրճը (տարեկան կարող եք խնայել 365,000 ՀՀ դրամ), չօգտագործվող բաժանորդագրությունները կամ տաքսիների ծախսը, խնայողությունների և ներդրումների համար ավելի շատ գումար կկարողանաք ազատել: Այսօր նման փոքր խնայողություններ անելով՝ ապագայում կունենաք ֆինանսական ազատություն:

Քայլ 3. Բացեք բրոքերային հաշիվ Apricot Capital-ի հետ

Ինչպես բանկային ծառայություններից օգտվելու համար անհրաժեշտ է բանկային հաշիվ, այնպես էլ արժեթղթերում ներդրումներ իրականացնելու համար Ձեզ անհրաժեշտ է բրոքերային հաշիվ: Apricot Capital-ում դուք կարող եք անվճար բացել բրոքերային հաշիվ և օգտվել մրցակցային միջնորդավճարներից, որոնք ներդրումները դարձնում են ավելի մատչելի: Մեր հարթակում և՛ սկսնակ, և՛ փորձառու ներդրողները կարող են գտնել իրենց կարիքներին համապատասխանող գործիքներ, իսկ մեր բջջային հավելվածը կօգնի Ձեզ կառավարել Ձեր ներդրումները Ձեզ հարմար վայրից։

Քայլ 4. Կառուցեք սովորություններ երկարաժամկետ հաջողության համար

Խելացի ներդրողները զարգացնում են խելացի սովորություններ.

• Ավտոմատացում | Կարող եք անել այնպես, որ ամեն ամիս Ձեր եկամտից ավտոմատ կերպով գումար փոխանցվի Ձեր բրոքերային հաշվին՝ կանոնավոր ներդրումներ կատարելու համար: 
• Դիվերսիֆիկացում | Կարող եք ներդրումներ կատարել տարբեր ակտիվներում կամ դիվերսիֆիկացված գործիքներում, որպեսզի նվազեցնեք ռիսկը:
• Տեղեկացվածություն | Կարող եք շարունակել սովորել Apricot Academy-ի հետ և հետևել շուկայի նորություններին Ներդրողի Բրիֆի միջոցով, որը Apricot Capital-ի և News.am-ի հատուկ համագործակցությունն է: 
• Պորտֆելի պարբերաբար վերանայում | Եռամսյակը մեկ ստուգեք Ձեր պորտֆելը՝ համոզվելու, որ այն համապատասխանում է Ձեր նպատակներին:

Հետաքրքրվա՞ծ եք ներդրումներով

Բացեք անվճար բրոքերային հաշիվ և ներբեռնեք մեր Apricot հավելվածը App Store-ից և Google Play-ից։ Իմացեք ավելին ներդրումների մասին Էփրիքոթ Ակադեմիայում։ 

Կարևոր է հիշել, որ ցանկացած ներդրում ենթակա է շուկայական տատանումների և կրում է ներհատուկ ռիսկեր: Նախքան ներդրումներ կատարելը, հաշվի առեք Ձեր ֆինանսական նպատակները և ֆինանսական ռիսկեր ստանձնելու Ձեր ունակությունը:

Էփրիքոթ Կապիտալը վերահսկվում է ՀՀ Կենտրոնական բանկի կողմից։

*Նյութում ներկայացված օրինակները կրում են միայն տեղեկատվական բնույթ: Դրանք չեն հանդիսանում ներդրումային խորհուրդ կամ որևէ կոնկրետ արժեթուղթ գնելու կամ վաճառելու առաջարկ: Տեքստում նշված նախկինում գրանցված կատարողականը չի երաշխավորում ապագայում նմանատիպ արդյունքներ: