Մաս 29. «Ցլի շուկա» (Bull Market)

Նախորդ գրառման մեջ քննարկեցինք «արջի շուկան» (Bear Market), որը բնութագրվում է շուկայի անկմամբ, իսկ այսօր կանդրադառնանք դրա հակառակ երևույթին՝ «ցլի շուկային» (Bull Market)։ Այս տերմինը նկարագրում է շուկայի դրական վիճակն ու աճը։

Ի՞նչ է «Ցլի շուկան» 

«Ցլի շուկա»-ն այն իրավիճակն է, երբ շուկան զգալիորեն աճում է և ակնկալվում է, որ այդ աճը կշարունակվի երկար ժամանակ։ Այս շրջանը բնութագրվում է ներդրողների լավատեսությամբ և շուկայի նկատմամբ վստահության աճով։

Ընդունված է համարել, որ այն սկսվում է նախորդ անկումային կետից 20% աճ գրանցելուց հետո։ Այս աճը սովորաբար ուղեկցվում է տնտեսության աճով։

Ներդրողները սկսում են ակտիվորեն գնել արժեթղթեր և տնտեսության նկատմամբ վստահությունը բարձրանում է։ «Ցլի շուկա»-ն սովորաբար զուգակցվում է ընկերությունների բարձր շահույթներով, գործազրկության ցածր մակարդակով, սպառողական ծախսերի աճով։ Այս ամենը ստեղծում է դրական տնտեսական ֆոն։

Ինչու՞ «Ցուլ»

«Արջի շուկա» և «ցլի շուկա» եզրույթների ծագման վերաբերյալ կան տարբեր տեսություններ։ Ամենատարածված բացատրությունը կապված է այն բանի հետ, թե ինչպես են այդ կենդանիները հարձակվում.

•   Արջը հարձակվում է՝ թաթը վերևից ներքև իջեցնելով, ինչը խորհրդանշում է գների անկումը։
•   «Ցուլի շուկան» բնութագրվում է գների աճով. ցուլը հարձակվում է՝ պոզերը ներքևից վերև բարձրացնելով։

Էփրիքոթ Կապիտալը վերահսկվում է ՀՀ Կենտրոնական բանկի կողմից։

*Նյութում ներկայացված օրինակները կրում են միայն տեղեկատվական բնույթ: Դրանք չեն հանդիսանում ներդրումային խորհուրդ կամ որևէ կոնկրետ արժեթուղթ գնելու կամ վաճառելու առաջարկ: Տեքստում նշված նախկինում գրանցված կատարողականը չի երաշխավորում ապագայում նմանատիպ արդյունքներ: