Հարց ու պատասխան Էփրիքոթի հետ | Ներդրումներ միջազգային vs հայկական բրոքերի միջոցով

Ներդրումներ սկսելիս առաջին և ամենակարևոր որոշումներից մեկը բրոքերի ընտրությունն է: Մենք արդեն անդրադարձել ենք այն հիմնական գործոններին, որոնց պետք է ուշադրություն դարձնել բրոքեր/ներդրումային ընկերություն ընտրելիս: Ներդրողը կարող է նաև կանգնել միջազգային կամ հայկական բրոքերի միջև ընտրության առաջ: Այս հոդվածում կանդրադառնանք մի քանի հիմնական պատճառների, թե ինչո՞ւ հայ ներդրողների համար կարող է ավելի նպատակահարմար լինել ներդրումներ կատարել հենց հայկական բրոքերի միջոցով:

Միջազգային բրոքերի միջոցով ներդրումներ կատարելիս հնարավոր անհարմարություններից են

• Միջազգային փոխանցումների վճարներ Ձեր հաշիվը լիցքավորելիս կամ գումարը ելքագրելիս:
• Հայաստանում հաճախորդների սպասարկման թիմի բացակայություն | Հարցերի դեպքում դիմելու համար հնարավոր է հարկավոր լինի հարմարվել նրանց ժամային գոտուն և կապի միջոցներին։ Կարող են նաև առաջանալ լեզվական խոչընդոտներ:
• ՀՀ Կենտրոնական բանկի կողմից կարգավորման բացակայություն | Ի տարբերություն տեղական բրոքերների՝ միջազգայինները չեն կարգավորվում ՀՀ Կենտրոնական բանկի կողմից և պարտավոր չեն հետևել հայկական ֆինանսական կարգավորումներին և ներդրողների իրավունքների պաշտպանության օրենքներին: Սա իհարկե չի նշանակում, որ միջազգային բրոքերը չի պաշտպանում հաճախորդների իրավունքները, բայց նշանակում է, որ ներդրողը պետք է ճշտի, թե բրոքերն ինչ կարգավորումների է հետևում, որպեսզի տեսնի, թե ինչպես են պաշտպանվում իր իրավունքները:
• Ժառանգության հետ կապված բարդություններ | Ներդրողի մահվան դեպքում նրա ժառանգները կարող են բախվել բարդ և երկարատև գործընթացի՝ միջազգային բրոքերի մոտ պահվող ներդրումներին հասանելիություն ստանալու համար: 

Հայկական բրոքերի միջոցով ներդրումներ կատարելու առավելություններից են

• Վերահսկում ՀՀ Կենտրոնական բանկի կողմից։ Հայաստանում բրոքերային ծառայություններ մատուցելու համար հայկական ընկերությունները պետք է ունենան Հայաստանի Կենտրոնական բանկի կողմից տրված լիցենզիա: Սա ներդրողի համար ապահովում է  լրացուցիչ ապահովություն և վստահություն, որ ընկերությունը համապատասխանում է տեղական կարգավորումներին: Սա ներառում է Ֆինանսական համակարգի հաշտարարին դիմելու հնարավորությունը, որն անկախ մարմին է, որն ապահովում է հաճախորդների և ֆինանսական կազմակերպությունների միջև վեճերի անվճար լուծում Հայաստանում:
• Միջազգային փոխանցումների վճարների բացակայություն։
• Լեզվական խոչընդոտների բացակայություն։
• Հեշտ է ստանալ տեղեկանքներ։ Ձեզ անհրաժե՞շտ է Ձեր բրոքերային հաշվի քաղվածքի թղթային օրինակը բանկին կամ դեսպանատանը ներկայացնելու համար: Հայկական բրոքերի դեպքում Դուք կարող եք վերցնել այն բրոքերի գրասենյակից։

Յուրաքանչյուր ներդրող պետք է ընտրի իր անհատական ​​կարիքներն ու առաջնահերթություններին համապատասխանող բրոքերի՝ հաշվի առնելով բոլոր գործոնները։ 

Կարևոր է հիշել, որ ցանկացած ներդրում ենթակա է շուկայական տատանումների և կրում է ներհատուկ ռիսկեր: Նախքան ներդրումներ կատարելը, հաշվի առեք Ձեր ֆինանսական նպատակները և ֆինանսական ռիսկեր ստանձնելու Ձեր ունակությունը:

Էփրիքոթ Կապիտալը վերահսկվում է ՀՀ Կենտրոնական բանկի կողմից։

*Նյութում ներկայացված օրինակները կրում են միայն տեղեկատվական բնույթ: Դրանք չեն հանդիսանում ներդրումային խորհուրդ կամ որևէ կոնկրետ արժեթուղթ գնելու կամ վաճառելու առաջարկ: Տեքստում նշված նախկինում գրանցված կատարողականը չի երաշխավորում ապագայում նմանատիպ արդյունքներ: